VEGETABLE BIRIYAANI

வெஜ்ஜிடபில்  பிரியாணி  

 தேவையான பொருட்கள் :

பாசுமதி அரிசி - 1 கப்

நறுக்கிய காய்கறிகள்  - 2 கப்    ( கேரட்,பீன்ஸ் , காலிப்ளவர்,உருளை கிழங்கு )  பச்சை பட்டாணி - சிறிது 

நீளவாக்கில் நறுக்கிய வெங்காயம் - 2                                               

மஞ்சள் தூள் - 1   சிட்டிகை

மிளகாய் தூள் - 2 டீஸ்பூன்
தனியாதூள் - 1  1 / 2   டீஸ்பூன் 

கேசரி கலர் பவுடர் - 1 சிட்டிகை 

கொத்தமல்லி தழை - சிறிது 

புதினா தழை - சிறிது 

எலுமிச்சை பழம்- அரை மூடி 
நெய்,எண்ணெய்  - தாளிக்க

உப்பு - தேவையான அளவு 

விழுதாக அரைக்க :

இஞ்சி- சிறிது 

பூண்டு - 15  பல்           

பச்சை மிளகாய் - 2

தாளிக்க :

கடுகு - 1 ஸ்பூன் 
மிளகு - 6  சோம்பு
சோம்பு - 1 டீஸ்பூன்   
பிரியாணி இலை - 2  
பச்சை மிளகாய் - 2

 பூண்டு - 6 பல்

பிரியாணி மசாலா அரைக்க : 

சோம்பு - 1  டீஸ்பூன் 

பட்டை - 2  துண்டு 

கிராம்பு - 2  

ஏலக்காய்- 2 

அன்னாசி மொக்கு - 2 

சீரகம்  - 1 /2  டீஸ்பூன் 

செய்முறை :

(1 ) அடி கனமான பாத்திரம்  அல்லது  நான்ஸ்டிக்  பாத்திரத்தை  பிரியாணி   செய்ய பயன்படுத்தவும்.

(2 ) பாசுமதி அரிசியை 15 நிமிடம் ஊற வைக்கவும் .பிரியாணி மசாலா அரைக்க கொடுத்துள்ள பொருட்களை அரைத்து  வைத்து கொள்ளவும் .

(3 ) பாத்திரத்தில் நெய்,எண்ணெய் ஊற்றி, தாளிக்க கொடுத்துள்ள பொருட்களுடன்   அரைத்து வைத்துள்ள பிரியாணி மசாலாவை சேர்த்து தாளித்து அதனுடன் வெங்காயம் ,பூண்டு, கறிவேப்பிலை , நீளவாக்கில் நறுக்கிய பச்சை மிளகாய்  சேர்த்து தாளிக்கவும் .

(4 ) பின்னர் அதனுடன் இஞ்சி + பூண்டு + பச்சை மிளகாய்  மூன்றையும் சேர்த்து அரைத்த  விழுதை சேர்த்து பச்சை வாசனை போகும் வரை வதக்கி, அதனுடன்   பொடியாக நறுக்கிய தக்காளி சேர்த்து வதக்கவும்

(5 ) பின்னர் நறுக்கிய காய்கறிகள், பட்டாணி சேர்த்து அதனுடன் மஞ்சள் தூள் ,தனியாதூள் ,மிளகாய் தூள்,மல்லி தழை,புதினா தழை சேர்த்து வதக்கவும்

(6 ) பின்னர் அதனுடன் 4 கப் நீர் , கேசரி கலர் பவுடர் ,தேவையான அளவு உப்பு  சேர்த்து கொதிக்க விட்டு , தண்ணீர் நன்கு கொதித்ததும், அதிலிருந்து 1 கப் மசாலா தண்ணீரை தனியே  எடுத்து வைத்து கொள்ளவும்.

(7 ) இப்பொழுது  ஊற வைத்த  அரிசியை சேர்த்து மூடி போட்டு பாத்திரத்தை மூடி விடவும், சிறிது நேரத்திற்கு  ஒரு முறை சாதம்  அடி பிடிக்காதவாறு   கிளறி விடவும்

(8 ) பாத்திரத்தில் தண்ணீர் வற்றியவுடன் தனியாக எடுத்து வைத்துள்ள 1  கப் மசாலா தண்ணீரை சேர்த்து கிளறி, 5 நிமிடம் குறைந்த தீயில் வைத்து மூடி விடவும் 

(9 ) பின்னர் அரை மூடி எலுமிச்சம் பழ சாரை சேர்த்து கிளறி ,அடுப்பை அணைத்து ,பாத்திரத்தை மூடி,  5  நிமிடம் அடுப்பின் மீதே  வைக்கவும். .அடுப்பின் சூட்டில் அரிசி  நன்கு வெந்து விடும்.

(10 ) மல்லி தழை , தயிர் பச்சடி சேர்த்து பரிமாறவும்